Afaq-Iqbal Series Urdu Qaida Doam

Description

Urdu Qaida Doam — Roman Urdu Aafaq Iqbal Series Aafaq Iqbal Series pre-primary aur primary darjon ki darsi kitabon par mushtamil hai. Yeh series Qaumi Nisab 2020 ki sifarishaat aur jadeed taqazon ke ain mutabiq murattab ki gayi hai. Is series ka maqsad bachon mein Urdu zaban ki maharatein paida karna hai, taake bachay sahi Urdu bol, parh aur likh sakein. Lawazme ke intikhab aur sargarmiyon mein bachon ki lisani, takhleeqi, istehsani, tajziyati, mushahadati aur tanqeedi salahiyaton ko parwan charhane ki koshish ki gayi hai. Saath hi Islami usoolon par bachon ki kirdar sazi bhi Aafaq Urdu Series ki kitabon ka khaas hissa hai. Numaya Khususiyaat: - Bachon ke akhlaq-o-kirdar ki tarbiyat aur unhein muashray ka ek fa'aal shehri banane ke liye khaas lawazma shamil kiya gaya hai. - Zakhira-e-alfaz aur maloomat ki peshkash mein bachon ki umar aur darjay ka khaas khayal rakha gaya hai. Mazeed yeh ke miyaari, khoobsurat aur dilkash tasveeron ko kitabon ka hissa banaya gaya hai. - Asatiza-e-kiram ki mukammal rehnumai ke liye tadreesi maqasid aur rehnuma nuqaat dene ka ehtimam kiya gaya hai. - Kitabon mein shamil sawalat ki noiyat maloomati, tafheemi, itlaaqi aur takhleeqi hai. Mazeed bar-aan, in ki tashkeel mein Bloom Taxonomy ke tamam darajaat ko pesh-e-nazar rakha gaya hai. - Amali sargarmiyon ki madad se bol-chaal ki tarbiyat ka khaas ehtimam kiya gaya hai, taake bachay apna maafi-uz-zameer ahsan tareeqay se bayan kar sakein. - Takhleeqi salahiyaton ko ujagar karne, mantiqi qadron ko apnane, tanqeedi nuqta-e-nazar ko parwan charhane aur bachon ki quwwat-e-mutakhayyila ko muhimhez dene wali mutanawwe sargarmiyan shamil hain. - Lisani tasawwuraat ki tadrees ke liye maqroor se mujarrad ke usoolon ki pairwi ki gayi hai.